نكت حيوانات

كان في قرد حظه حلو وقرد حظه بشع. القردين كانوا جوعانين كتير القرد اللي حظه حلو قال لرفيقه: أنا بعرف شجرة موز امشي نروح ناكل منها.

اتفقوا القردين على أن اللي حظه حلو يطلع عالشجرة واللي حظه بشع ينتظر تحت الشجرة. القرد اللي فوق قطف موزة وأعطاها لرفيقه اللي حظه بشع. ما لحق القرد يقشر الموزة إلا وإجا صاحب البستان وعمله قتلة مرتبة.

تاني يوم القردين رجعوا عالشجرة ونفس الشي اللي حظه حلو طلع عالشجرة واللي حظه بشع تحت. القرد اللي فوق ناول صاحبه موزة كمان ما لحق يقشرها إلا وإجا صاحب البستان وعمله قتلة من كعب الدست.

تالت يوم اتفقوا انهم يتبادلوا الأدوار يعني اللي حظه بشع فوق واللي حظه حلو تحت. القرد اللي فوق ما لحق يقطف الموزة إلا وإجا صاحب البستان هو وابنه هالمرة. الولد مسك القرد اللي حظه حلو.قام الأب قال له: اتركه، هذا القرد عملتله قتلة مبارح جبلي هداك القرد اللي فوق.